Deixam cair as palhoças para borrar a cultura celta

Sim amigos, nom é que na nova etapa que hoje abre Piornedo Ceive começaramos a tolear com posiveis conspiranoias de como o mundo cultural mediterrâneo usa todos os seus medios para borrar o Mundo da Cultura Atlântica; nom.
"Deixam cair as palhoças para borrar a cultura celta" issas foram as palavras de umha vecinha de Ancares de uns 85 anos.
Todo começou durante a Campanha 2010 de Piornedo Ceive em umha das aldeias das lombas o sur de Degrada.
No meio da catalogaçom voltei a coincidir com um arqueólogo inglês (de pai escocês)que se atopava em Ancares por motivos de estudo dos posíveis jeitos de vida celta. Nom era o primeiro, já coincidíramos com outro arqueólogo Alemam e umha investigadora Galesa.
Aquel homem estava entusiasmado, bulía fotografando todo o que podia, chimpando por acima dos regos de xurro que saiam das cortes da aldeia, falando para sim; mesmo semelhava um tolo.
O ver que Piornedo Ceive andava pola aldeia anotando e fotografando achegou-se com curiosidade e co mesmo descaro que tem um cam de palheiro quando se achega a ventar-te.
O arqueólogo inglês nom entendia como deixavam cair as palhoças, como as administrações nom arranjavam ou se preocupavam mais por isto. El, que vinhera desde as ilhas para velas e estudalas, que sabia que o que tinhamos era o eco longicuo da velha cultura europeia indigenismo puro... nom acreditava no estado das cousas.
-A gente fai uso de umhas construções que nas Ilhas Britânicas levam sendo parte da arqueologia dende vai 1500 anos!!!, ¿Como se pode deixar cair isto? -dixo o arqueólogo em um curioso galego com sotaque inglês.
Piornedo Ceive respostou:
-Nom o sei moi bem, suponho que as administrações repartem os cartos em projetos de empresas de amigotes no canto de investilos em comarcas da montanha coma Ancares ou A Fonsagrada..."
-NADA DE ISSO!!! -interrompeu-nos umha velha brava de issas que ha em Ancares, vestido e pano negro, botas de goma e mandil; levava umha velha lata de atum ca que repartia o que debia ser milho esfarelado entre as pitas que a seguiam coma um séquito.A velha escoitara toda a conversa mentras alimentava os animais... Achegou-se ata onde estávamos e espetou-nos coma se fora a única verdade:
"-Deixam cair as palhoças para borrar a cultura celta...para q solo quede a diles "
Ficamos chocados!!! nunca tal deramos em pensar... era umha teoria moi possivel; rematar ca nossa cultura mais ancestral para nom ter nada que revindicar... ¿e se a velha tinha raçom? ¿e se o que se vive em Ancares e outras comarcas é o exterminio do indigenismo galaico mais genuíno, mais senlheiro, mais enxebre? ¿dixera realmente "cultura celta" umha velha de oitenta e pico de anos? ¿xuntaram-se as "forzas telúricas das serras de Ancares e enviaram-nos aquela velha para pedir auxilio, ou simplesmente estaríamos a virar todos tolos?
...despois ofreceunos mel; moi rico por certo!!!