Embora em comarcas coma Valdeorras ou Courel semelha mais lógico que os jeitos de fazer as cubertas de edifícios permaneçam inalteráveis devido as louseiras de todo o territorio.
As veces procurando ou fazendo estudos etnogrâficos sobre outras cousas rematas por descobrer novos achádegos nom relacionos.
Assim foi como fazendo estudos de campo encol o Entroido na comarca de Valdeorras aparescerom construções adjectivas de teito vegetal.
Estamos a falar de alpendres teitados com xesta no limite valdeorrés ca comarca do Courel; duas comarcas que destacam precisamente pola lua lousa; os seu lousados e os seus lousadores e lousadoras...
Estas construções adjectivas eram edificadas para dar acovilho a ferramentas e animais como cabuxas ou pitas.
Som produto das necessidades específicas da serra que fai de limite/fronteira.
Presentam-se com umha pranta rectangular, teito a 2 augas que avança sobre um dos testeiros no que se abre o oco da porta para dar refuxio a jeito de porche.
Os muros som de pedra de xisto e os testeiros de madeira principalmente de castinheiro; a altura do teito e baixa nom superando no cumio os 2,5m.
O grosso do teito era de apenas 20cm 100% de xesta atada. Também era assegurada com polas e lousas.
Pola inclinaçom da cuberta é provável que nom fora totalmente impermeavel; embora conservaria o calor para os animais.
O estado de conservaçom que apresenta é o mesmo da maioría de construções de teito vegetal; RUINA.
Desde Piornedo Ceive é um orgulho fazer-se eco dos derradeiros vestígios constructivos de teito vegetal da comarca de Valdeorras e da Galiza Enteira.
Se umha comarca louseira como Valdeorras ainda conserva teitos vegetais; ¿o que nom debeu ser o resto da Galiza?
Sem comentários:
Enviar um comentário